Aqtóbelik jumyssyzdar bıznes bastaýǵa múmkindik aldy
AQTÓBE. QazAqparat - Nátıjeli jumyspen qamtýdy jáne jappaı kásipkerlikti damytý baǵdarlamasy aıasynda bıyl 5 mıllıard teńgeden astam qarjy ıgeriledi. Jumyssyzdar men az qamtylǵan otbasylarǵa basymdyq beriledi, dep habarlaıdy QazAqparat tilshisi.
Aqtóbe oblysy boıynsha «Bastaý bıznes» jobasymen 1 myńnan astam adam kásipkerlik negizderin oqıdy. Olarǵa 88 mıllıon teńgeden astam qarjy bólindi. Al aýyl men shaǵyn qaladaǵy turǵyndardyń kásippen aınalysýy úshin 3,8 mıllıard teńge qarastyrylǵan. Qalalar men monoqalalarǵa 1,1 mıllıard teńge bólindi. Sonymen qatar jańa bıznes ıdeıalardy iske asyrýǵa memlekettik granttar beriledi. Qaıtarymsyz aqshany 420 adamǵa berý josparlanǵan. Bul úshin bıyl bıýdjetten 192 mıllıon teńge bólingen.
«Atameken» kásipkerler palatasy, jumyspen qamtý ortalyǵy men kásipker arasynda kelisim bolady. Grant alý kezinde salyq zańnamasyna sáıkes salyq organdarynda tirkeýde turǵan, «Atameken» palatasy komıssııasynan oń sheshim alǵan, buryn grant, ózge de memlekettik baǵdarlamalar aıasynda qarjylaı qoldaý bolmaǵan adamdar tańdalady. Jańa ıdeıalar úshin 100 AEK deıin aqsha beriledi. Ári bıyl Elbasy tapsyrmasymen jastarǵa, az qamtylǵan, múgedek bala asyrap otyrǵan otbasyǵa 200 AEK deıin aqsha beriledi», - dedi Jánibek Naǵmetqalıev.
Óńirlik sharýalar «Igilik», «Kásipkerlik», «Eginjaı», «Sybaǵa» baǵdarlamalary boıynsha nesıe aldy. Sáýir aıynda qarjy respýblıkalyq bıýdjetten tústi. Qarjy Aýyl sharýashylyǵyn qarjylaı qoldaý qory jáne Agrarlyq nesıe korporatsııasyna bólindi. Aqtóbe oblystyq aýyl sharýashylyǵy basqarmasy basshysynyń orynbasary Nurjaý Turǵambekovtyń aıtýynsha, qazirgi ýaqytta nesıe alýǵa 100- den astam ótinish tústi, onyń 32-si maquldandy. Biraq qazir kásipker bolamyn degen adamdardyń aldynan eki úlken másele shyqty.
«Qazir eki adamnyń birinde nesıe bar. Olar turmystyq tehnıka, telefondy da nesıege alyp, tólemeı, ýaqytyn ótkizip alyp, nesıe tarıhyn buzady. Al kásip bastaıtyn kezde dál osy úlken kedergi bolyp tur. Qazir Halyqqa qyzmet kórsetý ortalyǵyna baryp, anyqtama alýǵa bolady. Aqparat tegin berilip jatyr. Sońǵy eki jyldy qarap, nesıe beremiz. Sonymen qatar aýyl turǵyndarynyń kepilge qoıǵan múlkiniń qujaty durys emes. ıAǵnı, qujattary jańarmaǵan, eski, bir mekeme basshysy qoltańbasyn qoısa, mórin baspaǵan, mórin bassa, qoltańbasyn qoımaǵan. Ony qaıta qalpyna keltirý úshin arhıv jaǵalaıdy», - dedi dedi«Aýyl sharýashylyǵyn qarjylaı qoldaý qory» AQ Aqtóbe fılıalynyń dırektory Gúljanat Erǵazına.
