Aqtóbelik jumysshylardyń 80 mln teńge jalaqysy óndirildi
Bıyl Aqtóbe oblystyq eńbek ınspektsııasy basqarmasy 1495 aryzdy qarady. Byltyr 1200-den astam aryz-shaǵym túsip, tekserý júrgizilgen. Túsindirý jumystarynan soń keıde másele tez arada sheshiledi. Degenmen jyl basynan beri 318 tekserý júrip, 553 zań buzýshylyq anyqtaldy. Bul áli de jumys berýshilerdiń zańdy durys túsinbeıtinin, elemeıtinin kóremetedi.
«Keıde jalaqyny ýaqytyly tólemeıdi. 553 zańbuzýshylyq degenimiz ár adamnyń janaıqaıy. Inspektsııa tarapynan myńnan astam uıǵarym berildi. 100-ge jýyq hattama toltyrylyp, 32 mln teńgege jýyq aıyppul salyndy. Al sheteldik úlesi bar mekemelerge 25 uıǵarym berilip, 8,7 mln teńge aıyppul salyndy. Bıyl barlyǵy 80 mln teńgeden astam jalaqy óndirildi. Jumysshylardyń jalaqysy durys eseptelmeı jatady. Keıde túnde jumysqa shyǵyp, oǵan qosymsha aqy tólenbeıdi. Barlyǵy anyqtalyp, jumysshylar quqyǵy qorǵaldy. Byltyr 9 aıda 415 mln teńge aqsha óndirildi. Bıyl «KTP Trans» JShS-ne 4,9 mln teńge, al «Aqtóbe Sáýlet» JShS-ine 52 mln teńgege jýyq aqsha óndirildi. Maqsatymyz aıyppul salý, shara qoldaný emes, bizdiń maqsatymyz jan-jaqty túsindirý. Zańbuzýshylyqty boldyrmaý úshin túsindirý jumystaryn júrgizip jatyrmyz«,- dedi Aqtóbe oblystyq eńbek ınspektsııasy basqarmasy basshysynyń orynbasary Talǵat Iskarın.
Aqtóbede táýekel kartasyna engen 9 mekeme bar. Onyń ishinde úsheýinde jalaqy kóterý suraǵy qaraldy. Qalǵany jalaqy men jumys jaǵdaıyn aıtty.
»SNPS-Aqtóbemunaıgaz« AQ jumysshylary hat joldap, jalaqy kóterildi. «KMK Munaı» mekemesi de jalaqy ósirdi. Aqtóbe oblysynda 130 mekeme jalaqyny kóterdi. 60 myń adamnyń jalaqysy 10-50 paıyzǵa ósti. Al qazir taý-ken baıytý salasynda jumys istep jatqan mekemede 138 adamnyń ótinishi qaralyp jatyr. Kompanııa 32 mln teńge aqsha berejaq. Sot sheshimi shyqsa, mekeme shotyndaǵy 40 mln teńge beriledi. Ekinshisi «KTP» JShS-i. Olardan 4,5 mln teńge aqsha óndirildi. Qalǵanyn da óndirip bermekpiz«,- dedi Talǵat Iskarın.
Aıta keteıik, 9 aıda 58 jazataıym oqıǵa boldy. 85 adam zardap shekken.
