Aqtóbelik jigitti uryp, sańyraý qylǵan polıtsııa qyzmetkeriniń aty-jóni ataldy
AQTÓBE. QazAqparat - Aqtóbelik jigit «polıtsııa qyzmetkeri uryp, qulaǵym estimeı qaldy» dep aryzdandy. Arada 8 aı ótip, qylmystyq isti tergeý uzaqqa sozylyp ketti. Búgin polıtsııa kúdikke ilikken ýchaskelik ınspektordyń aty-jónin jarııalady, dep habarlaıdy QazAqparat tilshisi.
Aqtóbe oblysy Baıǵanın aýdanynyń 26 jastaǵy turǵyny Aslan Sársenǵalıev bir jyldan beri estemeıdi. Arada uzaq ýaqyt ótken soń sóıleý qabileti nasharlap, dybystardy durys aıta almaı qalǵan. Polıtsııa qyzmetkerleri men tergeýshilerdiń tabaldyryǵyn tozdyrǵan Sársenǵalıevter oblys prokýratýrasynan kómek surady. Buǵan deıin habarlaǵanymyzdaı, soqqy alǵan jigit birneshe kún boıy jansaqtaý bóliminde jatyp, em qabyldaǵan.
«Aqtóbe oblystyq ІІD ózindik qaýipsizdik basqarmasy Aslan Sarsenǵalıevtiń aryzy boıynsha tergeý jumystaryn júrgizip jatyr. Temir aýdandyq ІІB ýchaskelik polıtsııa ınspektory, polıtsııa maıory Aıbek Alıshev qatysty Qylmystyq kodekstiń «Densaýlyqqa qasaqana aýyr zııan keltirý» baby boıynsha is qozǵaldy. Sot saraptamasy taǵaıyndaldy»,- dep habarlaıdy Aqtóbe oblystyq ІІD baspasóz qyzmeti.
