Aqtóbelik jastar soǵys ardagerine kómek kórsetti
Aqtóbe qalasyndaǵy birneshe oqý ornynyń belsendi jastary búgin soǵys ardageri Ivan Shevchenkonyń úıine bardy. Aqtóbeniń Mártók aýdanynda týyp-ósip, 7 synypty bitirgen soń temirjol ýchılışesinde bilim alǵan ol soǵys bastalǵan soń ásker qataryna shaqyrylady. Qaraǵandyǵa attanǵan I.Shevchenko jumys istep, Qıyr Shyǵysqa jiberildi. Júk tasıtyn súńgýir qaıyqta júrip, arada 8 jyl ótken soń týǵan jerge qaıta oralady. Aqtóbe ferroqorytpa zaýytyna jumysqa qabyldanyp, úsh bala tárbıeledi. Búginde 94 jastaǵy ardager balalary men nemereleriniń qamqorlyǵyna alynǵan. Aqtóbelik jastar da baý-baqsha men úı sharýashylyǵyna kómektesýdi dástúrge aınaldyrǵan.
«Ardagerlerdi ardaqtaıyq» jobasy aıasynda aqtóbelik jastar UOS ardagerleri men tyl eńbekkerlerine, zeınetkerlerge kómektesip otyrady. Kúzde úı ishi men aýlany tazalap, qoqysty shyǵarýǵa kómektesemiz. Al jastar úshin ardagerdiń ár ósıeti ónegeli, tárbıeli. Olar ardagerlerdiń ómir jolyn bilip, erligimen tanysady»,- dedi «Jas Otan» jastar qanatynyń Aqtóbede oblysyndaǵy tóraǵasy Asyljan Búrkitalın.
Ardager úıine kelgen qonaqty únemi qushaq jaıa qarsy alady. Óz ómirinen syr shertedi, eńbek joldaryn baıandaıdy.
«Japonııada áskerı boryshymyzdy ótep, 8 jyldan soń elge keldim. Bul el basyna túsken qıyn jyldar edi. Qazir áleýmettik, ekonomıkalyq jaǵdaıymyz jaqsy, balalar kútim jasap otyr. Jasy úlkeıgen adamnyń densaýlyǵy syr beredi, biraq árdaıym kelip, qalimizdi biletinder jetkilikti. Meni qalalyqtar ǵana emes, Mártók aýdanynan da adamdar arnaıy izdep keledi. Kómektesip, qamqorlyǵyna alǵan jandarǵa alǵysymyz sheksiz»,- dedi soǵys ardageri Ivan Shevchenko.