Aqtóbelik jastar kólik apatynan qaza bolǵan qyzǵa arnap shar ushyrdy
AQTÓBE. QazAqparat - Aqtóbelikter jol-kólik oqıǵasy kezinde qaza bolǵan Sıýzanna Gamıdovamen qoshtasyp, jastar shar ushyrdy. Olar Sıýzanna qaza bolǵan orynǵa jınaldy, dep habarlaıdy QazAqparat tilshisi.
Búgin aqtóbelik jastar Tuńǵysh Prezıdent atyndaǵy ortalyq saıabaqqa jınalyp, Sıýzanna Gamıdovany taǵy bir ret eske aldy. Stýdenttiń qurbylary men synyptastary áýege shar ushyryp, qarapaıym, aqyldy, alǵyr qyzdy eske aldy.
«Ótken jyly mektep bitirgen edik. Ol Almaty qalasyna oqýǵa túsip, sol jaqqa ketti. Sıýzanna qaıǵyly jaǵdaıǵa ushyramas buryn kezdesken edim. Ol meni Almatyǵa shaqyrdy, qydyryp, tynyǵamyz dep aıtty. Aqtóbege demalysqa kelgen qurbymyz 15 shilde Almatyǵa oralýy tıis edi. Biraq bári qaılyǵy oqıǵamen aıaqtaldy»,- dedi Sıýzannanyń synyptasy Anastasııa Derchak.
Sıýzanna Gamıdova aýdarmashy bolýdy armandaǵan. Jany názik qyz úı janýarlaryn jaqsy kóretin.
«Sıýzanna túımedaq gúlin unatatyn. Shyǵarmashyl, qarapaıym qyz boldy. Ol týraly estelik máńgi jadymyzda qalady. Shar ushyrýǵa 20-dan astam adam jınalyp, 12 shardy áýege jiberdik», - dedi Denıs Bajenov.
Sondaı-aq Tuńǵysh Prezıdent atyndaǵy saıabaqtyń jol-kólik oqıǵasy bolǵan orynda aza tutý gúli ilýli tur.
Buǵan deıin habarlaǵanymyzdaı, aqtóbelikter búgin jol-kólik oqıǵasy kezinde qaza bolǵan Sıýzanna Gamıdovany aqtyq saparǵa shyǵaryp saldy.
