Aqtóbelik jastar aldaǵy josparymen bólisti
Aqtóbede «Qazaqstannyń stýdentter alıansy», «Jas saqshy» uıymy men Aqtóbe pikirsaıys ortalyǵy birigip, aldaǵy josparymen bólisti. Olar qaıymdylyq jumystaryn jalǵastyryp, zamandastaryn ıgi iske jumyldyrýǵa nıetti.
«Jańa Qazaqstanǵa - jańa daǵdylar» jobasy arqyly biz bilikti mamandardyń óz tájirıbesimen bólisýine múmkindik beremiz. ıAǵnı, kez kelgen saladaǵy maman óziniń bilgenin aıtyp, úıretedi. Al «Qazaqstanǵa meniń qosar úlesim» oblystyq baıqaýyn máslıhat depýtattarymen birge ótkizemiz. Sonymen birge «Kómek qolyn soz» aktsııasy únemi jalǵasady. Biz qysta jumysta júretin kommýnaldyq sala qyzmetkerlerine ystyq tamaq tarattyq. Ári ótkende blokbekette turǵandar áskerıler men polıtsııa qyzmetkerlerine azyq-túlik tasyp berdik«,- dedi oblystyq jastar resýrstyq ortalyǵy bóliminiń mamany Isabek Dúısenbaev.
Al « Jas saqshy« uıymynda 20-30 múshe bar. Olar polıtsııa qyzmetkerlerimen birge tártip saqshylaryna kómektesip, byltyr 100-ge jýyq reıdke shyqty.
»Jastar resýrstyq ortalyǵymen birigip, M.Maqataevtyń týǵan kúnine oraı kesh uıymdastyramyz. Munda sahnalyq qoıylym uıymdastyrylyp, óleń oqylady. Sonymen birge pikirsaıysshylar Jambylda ótetin jarysqa daıyndalady. Negizi joǵary oqý ornynyń stýdentteri arasynda Gúlnur Amangeldiqyzy, Sátbek Oraqova, Ámına Kývash, Ádilhan Kanatkalıevti basa aıta ketý kerek. Al kolledj stýdentteri arasynan Álisher Samataı, Mırlan Sermaǵametov, Tomırıs Bekjanova, Áıgerim Bısembaevany úzdikter qataryna qosamyz. Sonymen birge biz ólketaný baǵytynda zamandastarymyzdyń tanymyn keńeıtip, bilimin jetildiremiz«,- dedi Aqtóbe pikirtalas ortalyǵynyń dırektory Jolaman Asanuly.
