Aqtóbelik jasóspirimdi anasy bir aptadan soń izdep, polıtsııadan kómek surady
AQTÓBE. QazAqparat - Aqtóbelik jasóspirim 7 mamyr kúni úıinen ketip, oralmaǵan, dep habarlaıdy QazAqparat tilshisi.
12 mamyr kúni Aqtóbe qalasy PB Astana aýdany №1 qalalyq polıtsııa bóliminiń kezekshi bólimshesine kámeletke tolmaǵan qyzdyń anasy júgindi. Ol 2005 jyly týǵan qyzynyń 7 mamyr kúni úıinen ketip, áli kúnge deıin oralmaǵanyn aıtty.
«Polıtsııa qyzmetkerleri qyzdyń barýy múmkin barlyq jerin tekserip, tanystarymen sóılesti. 13 mamyr kúni Astana aýdany №1 qalalyq polıtsııa bólimi kámeletke tolmaǵandardyń isteri jónindegi polıtsııa ınspektorlary 16 jastaǵy qyzdy «Elektron» dúkeniniń mańynan taýyp, anasyna tapsyrdy.
Kámeletke tolmaǵan balanyń anasyna qatysty Ákimshilik quqyqbuzýshylyq týraly kodekstiń «Kámeletke tolmaǵan balanyń túngi ýaqytta ata-anasynyń erip júrýinsiz turǵyn jaıdan tys jerde bolýy» jáne «Óziniń kámeletke tolmaǵan balalaryn tárbıeleý, oqytý, baǵyp-kútý jónindegi óz mindetterin oryndamaý« baptary boıynsha hattama toltyryldy»,- dedi oblystyq PD baspasóz qyzmetiniń jetekshisi Erbolat Sarqulov.
