Aqtóbelik jasóspirim ákesine barý úshin velosıpedin satyp jibergen
AQTÓBE. QazAqparat - Aqtóbe oblysy Hromtaý aýdanynyń Nıkeltaý aýylynda turatyn jasóspirim 23 tamyz kúni keshkilik úıinen ketip qalǵan. Ol jol boıy velosıpedin satyp, ákesine barmaq bolǵany anyqtaldy, dep habarlaıdy QazAqparat tilshisi.
Nıkeltaý aýylynda turatyn Kenjeǵalı Álibaıulynyń joǵalyp ketkendigi týraly buǵan deıin habarlaǵan bolatynbyz.
Ol 23 tamyz kúni túnde úıinen shyǵyp, belgisiz baǵytta ketip qalǵan. Onyń joǵalyp ketkendigi týraly aýyl ákimdigi habarlap, balany izdep-tabýǵa kómek suraǵan edi. Jetinshi synyp oqýshysyn aýyl turǵyndary jumyla izdedi.
Jasóspirim bir kúnnen soń Túrkistannan tabyldy.
«Іnim tabyldy. Ol bir kún boıy jolda júrgen. Kenjeǵalı Túrkistannan tabyldy. Ol jaqta bizdiń ákemiz bar. Bul jaǵdaı birinshi ret boldy. Іnim úıden shyǵyp, Aqjar aýylyna barǵan. Sol jerde velosıpedin satyp, keıin kólik toqtatyp, Túrkistanǵa jetken. Bári jaqsy, ol tabyldy»,- dedi balanyń aǵasy Іzbasty Álibaıuly.
Aıta keteıik, Kenjeǵalı aǵasynyń qamqorshylyǵynda bolǵan.
