Aqtóbelik zeınetker 24 mln teńgesin alaıaqtarǵa aýdaryp jibergen
Aqtóbe oblysynyń Polıtsııa departamenti qaýipsizdik erejelerin jıi aıtyp, turǵyndardy saq bolýǵa shaqyryp keledi. Tipti bank qyzmetkerine de jeke shottary men kartalaryna qatysty SMS kod jáne basqa da derbes aqparatty aıtýǵa bolmaıtynyn eskertti.
«Bankter men tólem júıeleri eshqashan hat jibermeıdi nemese klıentterdiń telefondaryna qońyraý shalyp, shot derekterin berýdi suramaıdy. Bank qyzmetkerlerinde barlyq qajetti málimet bar. Aqtóbede 66 jastaǵy zeınetker óziniń jyljymaıtyn múlki men barlyq qarajatynan aıyryldy. Naqtylasaq, shilde aıynda ózin bank qyzmetkerimin dep tanystyrǵan belgisiz er adam zeınetkerge qońyraý shalǵan. Alaıaq mundaı operatsııany ádettegi jumys dep túsindirdi. Tipti jábirlenýshige bank shotyn qorǵaý týraly usynys aıtty. Sóıtip kúdikti zeınetkerden barlyq jınaǵyn depozıtten «qaýipsiz» shotqa aýdarýdy surady. Tipti múlkin satýdy usyndy. Jábirlenýshi senip, jalpy kólemi 24 mln teńge aqshasynan aıyrylddy», - dedi oblystyq PD baspasóz qyzmetiniń jetekshisi Erbolat Sarqulov.
Qazir QR QK-niń «Alaıaqtyq» baby boıynsha sotqa deıingi tergeý júrgizilip, kúdiktilerdi anyqtaý men ustaýǵa baǵyttalǵan jedel is-shara júrgizilip jatyr.
