Aqtóbelik zaýyt jumysshylary saılaý naýqanyna qoldaý bildirdi
Aqtóbede kalıı, natrıı bıohromıti sekildi birneshe hımııalyq zattardy shyǵaratyn hrom qosyndylary zaýytynda 2 myńnan astam adam jumys isteıdi. Munda shyǵarylatyn ónim Japonııa, AQSh sekildi damyǵan elderge jóneltiledi. Eksportqa beıimdelgen zaýyt jumysshylary búgin prezıdenttik saılaý kezinde óz tańdaýyn jasaýǵa, belsendi bolýǵa shaqyrdy. Ári «Nur Otan» partııasynyń sheshimin qoldaıtyndaryn aıtty.
«Elbasymyzdyń bastamasymen táýelsizdik jyldarynda ekonomıkalyq, saıası, áleýmettik reformalar júzege asyryldy. Strategııalyq bastamalary men sarabdal saıasatkerligi arqasynda kópultty memleketimiz damýdyń dańǵyl jolyna tústi. Búginde Qazaqstan birlik pen qoǵamdyq kelisimniń altyn besigine aınaldy. Elimizdegi tatýlyq pen yntymaqtyń biregeı úlgisin jahan jurtshylyǵy zerdelep, «Qazaqstandyq jol», «Nazarbaev modeli» dep baǵa berdi. Al saılaý - asa mańyzdy saıası oqıǵa. Memleketimizdiń keleshegi bizdiń sheshimimizge tikeleı baılanysty. Memlekettik basty baılyǵy - adam, negizgi kúshi - halyq. Sondyqtan merziminen buryn saılaýdyń ótýi zańdylyq. Men áriptesterimniń durys tańdaý jasaıtynyna senemin», - dedi zaýyttyń bólim basshysy Ákimjan Boranqulov.
Zaýytta «Nur Otan» partııasynyń bastaýysh partııa uıymy 2010 jyly qurylǵan. Qazirgi kezde quramynda 550 adam bar.
«Qazir elimiz úshin jaýapty kezeń týdy. Bul kezde bárimiz bir atanyń balasyndaı tańdaý jasap, óz únimizdi qosýymyz kerek. Onyń ishinde óndiris ornynda jumys isteıtin eńbek ujymynyń mańyzy zor. Sondyqtan árqaısysymyz saılaýǵa baryp, daýys bereıik», - dedi zaýyttaǵy kásipodaq uıymynyń tóraǵasy Vera Polınkevıch.
