Aqtóbelik əıel sábıin tanymaıtyn adamǵa tastap, qashyp ketken
AQTÓBE. QazAqparat - Aqtóbelik kelinshek tanymaıtyn adamǵa balasyn tastap ketken, dep habarlaıdy QazAqparat tilshisi.
Polıtsııaǵa aqtóbelik turǵyn aryzdanǵan. Ol 2017 jyly týǵan nəresteni týǵan anasy ýaqytsha qaraı turý úshin ózine qaldyryp ketkenin, biraq sol kúıi qaıta oralmaǵanyn aıtqan. Balany alyp qalǵan aqtóbelik biraz ýaqyt kútip, anasy kelmegen soń polıtsııaǵa júgingen.
Qazirgi kezde quqyq qorǵaýshylar balasyn tanymaıtyn adamǵa tastap ketken kelinshekti izdep tapty. Oqıǵanyń mən-jaıy anyqtalýda. Ázirge sábı «Úmit» sábıler úıine ornalastyryldy.
«Aqtóbelik balasyn tastap, ózi belgisiz jaqqa ketip qalǵan. Osy oqıǵa boıynsha izdeý jumystary júrgizilip, anasy tabyldy. Qazirgi kezde Qylmystyq kodekstiń «Kámeletke tolmaǵan adamdy tárbıeleý jónindegi mindetterdi oryndamaý» baby boıynsha is qozǵaldy»,- dep habarlady oblystyq ІІD baspasóz qyzmetinen.
