Aqtóbelik volonterler garajda turyp jatqan ózbekstandyq áıelge kómektesti

AQTÓBE. QazAqparat – Aqtóbede «Anticovid-19» jáne «Dobro» eriktiler toby garajda turyp jatqan Ózbekstan azamatshasyn qamqorlyǵyna aldy, dep habarlaıdy QazAqparat tilshisi.

Aqtóbelik eriktilerge kezekti habarlama túsip, olar garajda turyp jatqan ózbekstandyq áıelge kómek kórsetti.

«Mekenjaıyn aıtqan soń biz baryp, jaǵdaıdy óz kózimizben kórdik. 29 jastaǵy ózbekstandyq úsh aıdan beri tósek tartyp jatyr. Shetel azamaty bolǵandyqtan ol medıtsınalyq kómek ala almaǵan. Biz áleýmettik jelige jarııalaǵan soń Aqtóbe medıtsına ortalyǵynyń basshylyǵy habarlasyp, em júrgizýge kiristi. Aldaǵy ýaqytta naqty dıagnoz qoıylyp, em qabyldaıdy. Biz qarjy jınap qoıdyq. Aýrýhanadan shyqqan soń qajetine jaratady. Sonymen birge gıgıenalyq zattary men kıim-keshegin alyp berdik», - dedi Ekaterına Golotına.

Aıta keteıik, eriktiler Ózbekstannyń Qazaqstandaǵy elshiligine de habar berdi. Aldaǵy ýaqytta onyń týǵan-týystaryn izdeýge kómektesedi.

«Durys sóıleı almaıdy. Omyrtqasyna zaqym kelgen, tábeti joq. Tamaq ishse, birden qusady. Aldaǵy ýaqytta onyń jaǵdaıy bizdiń baqylaýymyzda bolady», - dedi Ekaterına Golotına.