Aqtóbelik úıdiń qasbetine Dımashtyń portretin 3 kúnde saldy
AQTÓBE. QazAqparat - Dımash Qudaıbergenniń portreti Aqtóbe qalasynyń 150 jyldyǵy men ánshiniń 25 jasyna oraı salyndy, dep habarlaıdy QazAqparat tilshisi.
Aqtóbe qalasyndaǵy 12 yqsham aýdanda Dımash Qudaıbergenniń portreti bar. Bes qabatty turǵyn úıdi ákimdik tańdap, ánshiniń sýretin merdigerlerge bergen eken. Aty-jónin aıtýdan bas tartqan sýretshi nebári úsh kúnde portretti salyp shyqty.
«Aqtóbe qalalyq sáýlet jáne qala qurylysy bóliminiń usynysymen Dımashtyń portreti salyndy, oǵan demeýshiler qoldaý kórsetti. Sýretshi aty-jónin qupııa saqtaýdy jón kórip otyr. Boıaý sýyqqa, kúnge, jańbyrǵa tózimdi. Tipti jeti jylǵa deıin saqtalady dep otyr. Bul bizdiń alǵashqy jobamyz», - dedi merdiger Berik Aqylbaev.
Aıta keteıik, Dımash Qudaıbergen 25 jasqa toldy. Ol óz týǵan kúninde Aqtóbege kelip, qarttar úıindegi turǵyndarmen kezdesti.
