Aqtóbelik túrme qyzmetkeri pyshaq jaraqatyn alǵan eki adamdy qutqaryp qaldy
AQTÓBE. QazAqparat - Aqtóbede túrme qyzmetkeri Jandarbek Ábishev eki adamdy qutqaryp qaldy. Kórshi úıdiń ıesi áıeli men enesin pyshaqtap tastaǵan, dep habarlaıdy QazAqparat tilshisi.
Aqtóbe oblysy boıynsha QAJ departamentiniń KA-168/3 mekemesinde baqylaýshy bolyp jumys isteıtin Jandarbek Ábishev sol kúni jumystan soń úıinde boldy. Keshkilik kórshi úıdiń qyzy júgirip kelip, kómek suraǵan.
«Mektep oqýshysy ózi men otbasyna qaýip tónip turǵanyn aıtyp, kómek suraǵan kezde áriptesimiz Jandarbek Ábishev áıeline dereý polıtsııa men jedel járdem shaqyrýdy tapsyryp, ózi oqıǵa ornyna barady. Áıelin uryp-soǵyp, keıin pyshaqtaǵan kórshisin kórip, birden onyń qolyndaǵy sýyq qarýyn tartyp aldy. Qolyn qaıyryp, dalaǵa alyp shyqqan kezde polıtsııa qyzmetkerleri men jedel járdem de jetti. Kúdikti S.Myrzabekov ustaldy», - dedi Aqtóbe oblysy boıynsha QAJ departamentiniń aǵa ınspektory Aınur Tabýktınova.
QAJ departamentiniń habarlaýynsha otbasyndaǵy urys-keris tóbeleske ulasyp, 37 jastaǵy áıel men 58 jastaǵy onyń anasy pyshaq jaraqatymen aýrýhanaǵa tústi. Ekeýi de birneshe pyshaq jaraqatyn alyp, em qabyldap jatyr.
«Oqıǵa boıynsha Qylmystyq kodekstiń «Adam óltirýge oqtalý» babymen qylmystyq is qozǵalyp, tergeý júrip jatyr. Aqtóbe oblysy boıynsha QAJ departamentiniń KA-168/3 mekemesi óz qyzmetkeriniń beıjaı qaramaı, jedel kómek kórsetkenin úlgi etedi. Ol eki adamdy ajal aýzynan aman alyp qaldy», - dedi Aınur Tabýktınova.
