Aqtóbelik terrorıster fılmge tústi
ASTANA. QazAqparat - Aqtóbe oblystyq prokýratýrasy azamattardy radıkaldy kózqarasty dinı aǵymdardan qorǵaý maqsatynda «Qurbandar» atty derekti fılm túsirdi. Týyndy «Turaqtylyqqa - dinı saýattylyq arqyly» atty ekstremızm men terrorızmniń aldyn-alý baǵdarlamasy aıasynda júzege asty. Bul týraly oblystyq prokýratýranyń baspasóz qyzmetinen habarlandy.
«Fılmde terrorızm baby boıynsha sottalǵandar, olardan japa shekkender jáne dinı ekstremızm arbaýyna túskender jaıly áńgimelenedi. Onda keıipkerler ózderiniń bastarynan ótken jaǵdaılardy baıandap, eń bastysy aldanǵandaryn, dinı ýaǵyz júrgizýshilerdiń aıtqanyna erip qurban bolǵandaryn, istegen isterine ókinetindikterin aıtyp, óz joldaryn ózge azamattardyń qaıtalamaýyn suraıdy», - delingen baspasóz baıanynda.
Endi bul fılm oblys aýmaǵyndaǵy mektepterdiń barlyǵynda kórsetilip, jastar arasynda da keńinen taralatyn bolady.
