Aqtóbelik tártip saqshylary soǵys ardagerlerine qurmet kórsetti
Otan qorǵaýshy kúni men Jeńis kúnine oraı Aqtóbe oblystyq ishki ister departamentiniń jeke quramy soǵys ardagerleri Grıgorıı Prıhno men Mıhaıl Dıdenko, Qaben Amanǵosovqa qurmet kórsetti. Málimetterge súıensek, Ekinshi dúnıejúzilik soǵysqa óńirden 2,5 myńǵa jýyq tártip saqshysy attandy. Olardyń tek 440-y elge oralyp, qyzmetin ári qaraı jalǵystyrdy. Bıyl olardyń úsheýi ǵana Jeńistiń 72 jyldyǵyn atap ótip jatyr. Mıhaıl Dıdenko 1943 jyly soǵysqa attanyp, pýlemetshilerdi daıyndaıtyn Irbıt mektebinde oqyǵan.
Úshinshi Belarýs maıdanyna 1944 jyly aralasty. Keıin Lıtva, Shyǵys Prýssııany júrip ótip, jeńis týraly qýanyshty habardy Baltyq teńizindegi Pıllaý portynda estidi. Ol «Qyzyl juldyz» ordenimen marapattalǵan. Al Grıgorıı Prıhno 18 jasynda soǵysqa shaqyryldy. Ardager birinshi Ýkraına shaıqasynan soń Polshany azat etti. Al ardager Qaben Amanǵosov soǵystyń sońǵy jyly áskerge alynyp, qalpyna keltirý jumystaryna qatysty.
Іshki ister organdarynyń qataryna qabyldanǵan Q.Amanǵosov elge oralǵan soń qyzmetin ári qaraı jalǵastyrdy. Merekege oraı búgin soǵys, ishki ister organdarynyń ardagerleri, tyl eńbekkerleri túgel shaqyrylyp, jınalǵandar aldymen qyzmet babynda qaza tapqan qyzmetkerlerdiń rýhyna taǵzym etti. Eskertkishke gúl qoıyp, bir olardy mınýttyq únsizdikpen eske aldy.
«Jeńis jolynda tabandylyq pen erlik tanytqan ardagerlerimizge alǵys aıtamyz. Olardyń ómiri búgingi urpaqqa úlgi. Ardagerlerimiz elge oralǵan soń quqyq qorǵaý salasynda qyzmet etip, adal jumys istedi. Ardagerler - bizdiń maqtanyshymyz. Búgingi qyzmetkerlerdiń paryzy - olardyń bizge jetkizgen estelikterin kózimizdiń qarashyǵyndaı saqtap, keler urpaqqa amanat etip jetkizý, olardyń úlgi bolarlyq erligin dáripteý»,- dedi oblystyq ishki ister departamentiniń bastyǵy Mahambet Abısatov.
Oblystyq ІІD jeke quramy soǵys ardagerlerin marapattap, syı usyndy. Sonymen qatar, qyzmettik mindetin atqarý kezinde qaza bolǵan polıtsııa qyzmetkerlerdiń otbasylary men eńbek maıdanynyń ardagerlerine de aqshalaı syıaqy berildi.
Otan qorǵaýshylar kúnine oraı oblystyq ІІD-niń 2 qyzmetkeri maıor shenin aldy. Іshki ister mınıstrligi eńbektegi adal qyzmeti úshin 14 polıtsııa qyzmetkerine alǵys hat pen gramotalar berip, «Quqyq tártibin qamtamasyz etýge qosqan úlesi úshin» medalimen, «Іshki ister organdarynyń úzdigi» ІІ dárejeli tós belgilerimen marapattady. Eki qyzmetker Aqtóbe oblysy ákiminiń alǵys hatyn aldy. Al Aqtóbe oblystyq ishki ister departamentiniń bastyǵy M.Abısatov 62 qyzmetkerge gramota, 15 qyzmetkerge alǵys hat berdi.
