Aqtóbelik tártip saqshylar toptasyp tóbelesý áreketiniń aldyn aldy
ASTANA. KazAqparat - Aqtóbe oblysynyń ІІD Ýálıhanov kóshesinde bolǵan jaǵdaıǵa baılanysty túsinikteme berdi. Osyǵan deıin áleýmettik jelilerde qala bazarlarynyń birinde atys bolǵandyǵy jóninde aqparat taraǵan bolatyn.
«Aqtóbedegi bazarlardyń birinde toptasyp tóbelespek bolǵandar týraly aqparat kelip tústi. Oqıǵa ornyna polıtsııanyń kezekshiliktegi keshendi kúshteri jiberildi. Tártip saqshylarynyń jedel qoldanǵan sharalarynyń nátıjesinde birqatar kúdikti azamattar ustaldy. Kúdiktilerdi ustaý kezinde arnaıy qurylǵylar men qarý qoldanylǵan joq»,-dep habarlady ІІD ókilderi.
Polıtsııa qyzmetkerleriniń túsindirýlerinshe, kúdikti azamattardy tekserý barysnda olardan sýyq qarýlar men atys qarýlary tabylǵan joq, dep jazady Timeskz.
«Osy ýaqytta barlyq qajetti tergeý sharalary júrip jatyr. Qalada atys boldy degen aqparat shyndyqqa janaspaıdy», dep habarlady oblystyq ІІD qyzmetkerleri.
