Aqtóbelik stýdent sýǵa batyp bara jatqan balany qutqaryp qaldy
AQTÓBE. QazAqparat - Aqtóbe oblysy, Yrǵyz aýdanynda turatyn Nurjan Rashıd bes jasar balany qutqaryp qaldy, dep habarlaıdy QazAqparat tilshisi.
Oqıǵa Yrǵyz aýdanynda boldy.
«21 sáýir kúni saǵat 16:15-te Yrǵyz aýylyndaǵy ózenge batyp bara jatqan bala týraly habar tústi. Qutqarýshylar kelgenge deıin kórshi jigit 5 jasar balany sýdan aman alyp shyqqan. Ol essiz boldy, oǵan júrek massajy jasaldy. Balany 19 jastaǵy Nurjan Aıdaráliuly Rashıd qutqardy. Ol Q. Jubanov atyndaǵy AÓMÝ-niń 2-kýrs stýdenti. Ózen balanyń turatyn jerinen 10 metr qashyqtyqta ornalasqan. Kórshi jigit ony qutqarýǵa kelgen kezde bala jaǵadan 7 metrge deıin uzap ketken eken», - dep habarlady Aqtóbe oblystyq TJD Іshki jáne syrtqy kommýnıkatsııalar toby.
Aıta keteıik, bala qazir aýdandyq aýrýhanada jatyr. Dárigerlerdin aıtýynsha, balaǵa sýyq tımegen, jaǵdaıy turaqty. Aqtóbe oblystyq tótenshe jaǵdaılar departamenti Tótenshe jaǵdaılar komıtetine Nurjan Rashıdti batyldyǵy úshin marapattaýǵa usynys jasady. Sondaı-aq Q.Jubanov atyndaǵy ýnıversıtettiń «Jubanov atyndaǵy shákirtaqysy» taǵaıyndalady.
