Aqtóbelik stýdent sýǵa batyp bara jatqan 28 jastaǵy jigitti qutqardy
AQTÓBE. QazAqparat - Aqtóbelik stýdent Muhtar Túlkibaev óz zamandasyn sýdan qutqaryp qaldy. Ony marapattaý úshin mınıstrlikke ótinish joldandy, dep habarlaıdy QazAqparat tilshisi.
S.Báıishev atyndaǵy Aqtóbe ýnıversıtetiniń 3-kýrs stýdenti, Aqtóbe qalasynyń turǵyny Muhtar Túlkibaev óz ómirin qaterge tigip, Qarǵaly ózenine batyp bara jatqan 28 jastaǵy er adamdy qutqaryp qaldy.
«20 jastaǵy Muhtar Túlkibaev Qarǵaly ózeniniń jaǵasynda dostarymen birge júrip, ishimdik iship otyrǵan eki er adamdy kórgen. Beıtanys adamdar jastardan ózderin baqylaýsyz qaldyrmaýdy suraǵan. Sol kezde biri shomylý úshin sýǵa túsedi. Alaıda mas kúıinde óz kúshin durys baǵalaı almaǵan ol sýǵa kirip, shyqpaı qalady. Muny kórgen jigit bir sekýnd oılanbastan dereý kómekke umtylyp, sýǵa súńgip, 4 metr tereńdikten 1993 jyly týǵan azamatty jaǵaǵa alyp shyǵady. Muhtar dostarymen birge qutqarylǵan adamǵa jasandy tynys pen janama júrek massajyn jasady. 5 mınýt ishinde jedel járdem de keldi. Qazirgi ýaqytta er adam jedel járdem aýrýhanasyndaǵy jansaqtaý bóliminde jatyr. Jaǵdaıy aýyr»,- dep habarlady oblystyq TJD baspasóz qyzmeti.
Aqtóbe oblysynyń TJD Muhtar Túlkibaevty vedomstvolyq nagradamen marapattaý úshin Tótenshe jaǵdaı mınıstrligine ótinish joldady.
Aıta keteıik, jyl basynan beri óńirde 13 adam sýǵa batyp ketti. Onyń úsheýi - bala.
