Aqtóbelik stýdent kolledj dırektoryn sýyq qarýmen qorqytty
AQTÓBE. QazAqparat - Aqtóbe oblysy Hromtaý taý-ken tehnıkalyq kolledjiniń 1-kýrs stýdenti oqý ornynyń dırektoryn sýyq qarýmen qorqytty. Qazir ol ýaqytsha tergeý ızolıatoryna qamaldy, dep habarlaıdy QazAqparat tilshisi.
Aqtóbe oblysy Hromtaý aýdanyndaǵy kolledjde bilim alyp júrgen oqýshy oqý jyly bastalǵan kezde oqytýshylarmen arazdasyp, ishki tártipke baǵyndaı, dırektordyń aldyna barǵan. Keıin qujattaryn surap, oqýdan birjola ketetinin málimdegen oqýshynyń ata-anasy orta arnaýly oqý ornyna shaqyryldy. Osy aralyqta oqýshy pyshaq alyp kelip, kolledj dırektory Baǵdashjan Moldashevany qorqytady. Oqıǵa ornyna polıtsııa qyzmetkerleri dereý jetip, eshkim zardap shekken joq. Qazir osy oqıǵaǵa baılanysty qylmystyq is qozǵaldy.
«Hromtaý aýdanyndaǵy kolledj oqýshysy ýaqytsha tergeý ızolıatoryna qamaldy. Onyń ústinen Qylmystyq kodekstiń «Korqytý», «Bılik ókiline qatysty kúsh qoldaný» baptary boıynsha tergeý júrip jatyr», - dedi Aqtóbe oblystyq ІІD baspasóz jetekshisi Nurgúl Qonaqbaeva.
Buǵan deıin habarlaǵanymyzdaı, oblystyq jergilikti polıtsııa qyzmetiniń bastyǵy Qanybek Jaqsyǵalıev mektep, kolledj dırektorlaryn jınap, saqtyq sharasyn kúsheıtýdi tapsyrǵan bolatyn . Jıyn kezinde ol Hromtaý aýdanyndaǵy jasóspirimder qylmysy 9 ese artqanyn jetkizdi.
