Aqtóbelik sheneýnik mektep qurylysyna bólingen 60 mln teńgeni qaltasyna basqan

NUR-SULTAN. QazAqparat - Aqtóbe oblystyq qurylys, sáýlet jáne qala qurylysy basqarmasynyń burynǵy basshysy mektep qurylysyna bólingen 60 mln teńgeni urlady degen kúdikke ilindi. Bul týraly QR Sybaılas jemqorlyqqa qarsy is-qımyl agentiginen málim etti, dep habarlaıdy QazAqparat tilshisi.

«Aqtóbe oblystyq sybaılas jemqorlyqqa qarsy qyzmet «Aqtóbe oblysynyń qurylys, sáýlet jáne qala qurylysy basqarmasy» memlekettik mekemesiniń burynǵy basshysyna qatysty sotqa deıingi tergeý júrgizýde. Ol «Nurly jol» memlekettik baǵdarlamasy aıasynda Muǵaljar aýdanynda mektep qurylysyna bólingen 60 mln teńgeni merdiger uıym basshysymen aldyn ala sóz baılasý arqyly urlaý kúdigine ilindi»,- delingen taratylǵan aqparatta.