Aqtóbelik sheneýnik gir kóterýden el chempıony atandy

AQTÓBE. QazAqparat - Aqtóbe qalasynda gir sportynan eresekter arasynda el birinshiligi aıaqtaldy. Oblystyq dene shynyqtyrý jáne sport basqarmasynyń basshysy Evgenıı Goncharov altyn medal aldy, dep habarlaıdy QazAqparat tilshisi.

Aqtóbede Gir jáne qol kúresinen QR chempıonaty ótti. Jastar jáne eresekter arasynda ótken dodaǵa elimizdiń barlyq aımaǵynan bilekti sportshy qatysady. Olardyń arasynda álemniń birneshe dúrkin chempıony, halyqaralyq, respýblıkalyq dodalardyń jeńimpazdary bar. Jarysqa qatysýshylardyń barlyǵynan PTR anyqtamasy suraldy.

«Erler jáne áıelder 11 salmaq dárejesi boıynsha jarysty. Jastar arasynda erler 7, al qyzdar 4 salmaqta ózara myqtyny anyqtady. Armrestlıngten erler 10 salmaq, áıelder 9 salmaq boıynsha kúsh synasty. Jarys QR Táýelsizdiginiń 30 jyldyǵy men Qajymuqan Muńaıtpasulynyń 150 jyldyǵyna oraılastyrylǵan. Aqtóbe oblysynyń qorjyny 2 altyn, bir qola bar. Erler arasynda Evgenıı Goncharov І-oryndy, Aıtqalı Baltabaev
ІІІ-oryndy ıelendi. Áıelder arasynda І-oryndy Almagúl Shamgonova aldy», - dedi oblystyq dene shynyqtyrý jáne sport basqarmasy baspasóz qyzmetiniń jetekshisi Erlan Muqan.