Aqtóbelik shekarashylar zańsyz ótkizbek bolǵan 1 kelige jýyq altyndy tárkiledi
ASTANA. QazAqparat - Qazaq-reseı shekarasynda zergerlik zattardy zańsyz ótkizbek bolǵan áıeldiń joly kesildi, dep habarlaıdy QR UQK ShQ baspasóz qyzmetinen.
«Aqtóbe shekara otrıadyna qarasty «Jaısań» (temirjol) beketiniń baqylaýshylary «Tashkent - Máskeý» poezyn tekserý kezinde Ózbekstan azamatshasynyń qol júgine jasyrylǵan zergerlik zattardy anyqtady, salmaǵy 800 gramm bolyp shyqty.
Ustalǵan azamatshanyń sózine qaraǵanda zergerlik zattardy Ándijan qalasynan alyp, Reseı jerinde satýǵa áketip bara jatqanǵa uqsaıdy.
Zańsyz ótkizbek bolǵan zattary Keden komıtetiniń Aqtóbe oblystyq departamentine berildi», - dep jazylǵan habarlamada. Qazirgi ýaqytta anyqtaý jumystary júrgizilýde.
