Aqtóbelik shekarashylar poıyz jolseriginen 125 pyshaq tapty
ASTANA. QazAqparat - Aqtóbelik shekarashylar «Tashkent - Máskeý» baǵytyndaǵy poıyzdan qapqa salynǵan pyshaqtar tapty. Vagon jolserigi ustaldy, dep habarlaıdy QazAqparat.
QQ Ulttyq qaýipsizdik komıteti Shekara qyzmetiniń baspasóz qyzmetinen málim etkendeı, «Jaısań-temirjol» tekserý-ótkizý pýnktinde Aqtóbe shekara jasaǵynyń narıady «Tashkent - Máskeý» baǵytyndaǵy № 005 jolaýshylar poıyzyn teksergen. Onyń barysynda vagondardyń birinen qoldanylǵan tósek jabdyqtary salynǵan qaptyń ishinen 125 pyshaq tabyldy. Pyshaqtar Qytaıda jasalǵan.
«Olar jolserikter bólmesinen tabylǵandyqtan, sol vagonnyń jolserigi, 51 jastaǵy Ózbekstan azamaty ustalyp, Jaısań beketiniń jelilik polıtsııa bólimshesine tapsyryldy», - delingen taratylǵan habarlamada.
Sondaı-aq ótken demalys kúnderi semeılik shekarashylar «Rıdder - Astana» baǵytymen ketip bara jatqan № 375 jolaýshylar poıyzyn tekserip, vagondardyń biriniń ájethanasynan esirtki túıinshegin tapqan. Iisshil ıt tapqan salmaǵy 20 gramǵa jýyq zat marıhýana ekeni anyqtaldy. Osy ıt túıinshektiń ıesin kóptegen jolaýshylar arasynan da taýyp bergen.
«20 jastaǵy qazaqstandyq Semeı qalasyndaǵy jelilik polıtsııa bólimine tapsyryldy», - dep málim etti QR UQK ShQ-dan.
