Aqtóbelik sharýalar Mańǵystaýǵa mal azyǵyn tegin bermek
Aqtóbedegi Jylqyshylar qaýymdastyǵy birigip, bir-birin qoldady. Qazirgi kezde 1370 orama men 1 myń taı shóp daıyn tur.
«Biz eki nusqany usyndyq. Birinshiden, daıyn mal azyǵyn adamdar ózderi alyp ketedi. Ol kezde biz bárin tegin tıep beremiz. Ekinshiden, biz jetkizemiz, al olar Aqtóbedegi shóp qunyn tóleıdi. Sonymen birge asa muqtaj otbasyna tegin jetkizýdi kózdep otyrmyz. Munyń qıyndyǵy, talas týýy múmkin. Qalaı desek te biz osy arqyly mańǵystaýlyqtardy qıyndyqta qoldaıtynymyzdy, birge tyǵyryqtan shyǵar jol izdeıtinimizdi kórsetemiz. El basyna qıyn kún týǵanda birigý qajet. Usynysty kóbi qoldady», - dedi «Jantizer» ShQ basshysy Baqytjan Erjanov.
Aıta keteıik, «Shyńǵys», «Jansaıa», «Qaısar», «Ádilbek», «Aıjaryq», «Alaqozy», «Kókúı», «Arman-M», «Nur» sekildi birneshe sharýa birikken. Qazirgi kezde aýa raıyna baılanysty tasymaldaý qıyndyq týdyryp tur.
«Mańǵystaý oblysy ákiminiń orynbasarymen tirkeleı baılanys bar. Sondyqtan shóp alýǵa kelgenderdiń naǵyz sol jaqtyń turǵyny ekenin aldyn ala anyqtap alamyz», - dedi Baqytjan Erjanov.
