Aqtóbelik shańǵyshy Eýropa qurlyqtyq kýbogin jeńip aldy
AQTÓBE. QazAqparat – Aqtóbelik shańǵyshy Ernur Beksultan Shyǵys Eýropa qurlyqtyq kýbogin jeńip aldy. Bul aqtóbelikterdiń qysqy sport túrleri boıynsha eń úzdik kórsetkishi, dep habarlaıdy QazAqparat tilshisi.
Shyǵys Eýropa qurlyqtyq kýbogi Almaty qalasynda ótip jatyr. Oǵan elimizdiń ár túkpiri men Reseı, Qazaqstan, Qyrǵyzstan elderinen 100-den astam sportshy qatysty.
«Bul bizdiń eń úlken jeńisimiz. Shańǵyshy Ernur Beksultan 15 shaqyrym qashyqtyqty baǵyndyrdy. Qatarynan oza shyqqan sportshy 8 jyl boıy jattyǵyp keledi. Jasóspirimder arasynda ótken Azııa chempıonatyna da qatysty. Aldaǵy ýaqytta Qazaqstan jastary arasynda ótetin chempıonatynda baq synaıdy», - dedi Aqtóbe oblystyq dene shynyqtyrý jáne sport basqarmasy baspasóz qyzmetiniń jetekshisi Erlan Muqan.
Aıta keteıik, eresekter arasynda ótip jatqan Shyǵys Eýropa qurlyqtyq kýbogine Aqtóbeden tek úsh sportshy qatysyp jatyr. Shańǵyshy Ernur Beksultan erteń 20 shaqyrymdyq erkin júriste baq synaıdy.
