Aqtóbelik saıahatshy ózi qurastyrǵan kún kóligimen el aralap júr
QARAǴANDY. QazAqparat – Aqtóbelik Vladımır Sılevıch kúnnen qýat alatyn kólik qurastyryp, Qazaqstan boıynsha saıahatqa shyqqan. Ol búgin Qaraǵandy qalasynda, dep habarlaıdy QazAqparat oblys ákimdigine silteme jasap.
Aqtóbelik Vladımır Sılevıch mamandyǵy boıynsha ınjener-elektronık. Tehnıkaǵa bala kezinen áýes. Kún kóligin jasaýǵa ony kún sáýlesinen qýat alatyn tehnıkamen jarys uıymdastyrýshy bloger shabyttandyrǵan. MANTANA dep ataǵan mashınasyn jasaýǵa 2 aı jáne 2 mıllıon teńge qajet boldy.
«Úsh dońǵalaqty dızaın, aldyńǵy ekeýi burylystarda turaqtylyqty qamtamasyz etedi. Jaqtaýy profıldi qubyrlardan jasalǵan. Elektr qozǵaltqysh Qytaıdan, kún panelderi Reseıden jetkizilgen. Tizbekti jetek jetekshi dóńgelegine ótedi», - deıdi dızaıner.
Maýsym aıynda ótken kún kólikteri jarysynda aqtóbelik qurastyrýshy 2-oryndy ıelendi. Jarysqa Reseı men Qazaqstannan 10 belsendi konstrýktor qatysqan. Baǵyt 2 700 km boldy. Start Oralda berildi, úsh aptadan keıin Almatyda máresine jetti. Orta eseppen qatysýshylar kúnine 150-200 km ortasha jyldamdyqpen 40-45 km/saǵ júrip ótti.
Vladımır Sılevıch Aqtóbege qaıtyp barady. Jol boıynda áleýmettik jelidegi oqyrmandarymen kezdesip, Qazaqstannyń kórikti jerlerine soǵýdy josparlaǵan.
Aıta ketsek, kezdesý búgin saǵat 17:00-de Qaraǵandy qalasyndaǵy Ekomurajaıda (Buqar jyraý dańǵyly, 47) ótedi.
