Aqtóbelik polıtseıler jetim balalarǵa mıllıondaǵan qarjy aýdardy
AQTÓBE. QazAqparat - Aqtóbelik polıtseıler bir kúndik eńbekaqylaryn jetimderge aýdardy. Oblystyq Іshki ister departamentiniń qyzmetkerleri 5,5 mıllıon teńgeni úsh ujymǵa berdi, dep habarlaıdy QazAqparat tilshisi.
Respýblıkalyq «Mektepke jol» aktsııasyn polıtseıler qoldady. Aqtóbe oblystyq ІІD jeke quramy bir kúndik jalaqyna aýdaryp, balalardy bilim kúnine daıyndady. Barlyǵy 5,5 mıllıon teńge jınalyp, qarjynyń 4 mıllıon teńgesi Alǵa jáne Jaısań balalar úıiniń esebine aýdarylyp, 1,5 mıllıon teńgesi kámeletke tolmaǵandardy beıimdeý jáne ońaltý ortalyǵyna berildi.
Aqtóbe oblystyq ІІD bastyǵynyń birinshi orynbasary Arystanǵanı Zapparov jańa oqý jylyna sáttilik tileı otyryp, oqýshylardyń bolashaqta elimizdiń laıyqty azamaty bolatynyna senim bildirdi.
