Aqtóbelik polıtseıler jekpe-jekten Azııa chempıony atandy
AQTÓBE. QazAqparat - Aqtóbelik polıtseıler Mıras Ulyqpanov pen Aıbek Atabaev túrli salmaq dárejesinde jekpe-jekten Azııa chempıony atandy, dep habarlaıdy QazAqparat tilshisi.
Táýelsizdiktiń 30 jyldyǵyna arnalǵan jekpe-jekten Azııa chempıonaty 29-31 qazan aralyǵynda Qostanaıda ótti.
Polıtsııa kapıtany Mıras Ulyqpanov 65 keli salmaq dárejesinde chempıonattyń bas júldesin jeńip aldy. Onyń sporttaǵy jetistikteri óte kóp, eń bastysy – ol osy sport túrinen álem chempıony, eki ret Azııa chempıony jáne tórt dúrkin Qazaqstan chempıony. Polıtsııa qyzmetine sporttaǵy jetistikteriniń arqasynda shaqyrylǵan.
Polıtsııa aǵa leıtenanty Aıbek Atabaev bala kúninen sportqa qyzyǵady. Úsh ret QR chempıony atanǵan.
Chempıondar qurmetine Aqtóbe oblystyq PD ǵımaratynda kezdesý ótti.
«Quqyq qorǵaý organdarynda sport – eń basty negizderdiń biri, onsyz qazirgi zamanǵy polıtsııa qyzmetkerin elestetý múmkin emes. Bul ásirese bizdiń arnaıy jasaq jaýyngerlerine qatysty, olardyń kópshiligi ártúrli sport túrlerinen sport sheberleri. Chempıonatta bizdiń departamenttiń ǵana emes, búkil eldiń namysyn qorǵaǵan jigitter polıtsııa qatarynda laıyqty qyzmet etedi. Olarǵa qurmet kórsetilip, madaqtalyp jatyr», - dedi Aqtóbe oblystyq PD bastyǵynyń orynbasary Murat Jaqypbekov.
Avtory Samal Endibaeva
