Aqtóbelik polıtseıler turǵyndarmen kezdesýge shyqty
AQTÓBE. QazAqparat - Aqtóbelik polıtseıler turǵyndarmen kezdesýge shyǵyp, ózderin tanystyryp jatyr. Qazir qalada 100-den astam ýchaskelik polıtsııa qyzmetkeri bar, dep habarlaıdy QazAqparat tilshisi.
Aqtóbe polıtseıleri aýla ishindegi jumysty kúsheıtti. Ýchaskelik polıtsııa qyzmetkerleri turǵyndarmen tanysyp, ózderiniń baılanys telefondaryn berýde.
«Aýla ishine baryp, tanysyp, shaǵymdaryn tyńdap jatyrmyz. Kóbine mas kúıinde tynyshtyq buzatyndarǵa shaǵym túsedi»,- dedi Aqtóbe oblystyq ІІD Jergilikti poltsııa qyzmetiniń aǵa ınspektory Azamat Órenbaev.
Aqtóbelik turǵyndar ózin tanystyryp, jaǵdaıyn bilgen ýchaskelik polıtsııa qyzmetkerlerin kórip, qýanyp qaldy. Olar tártip saqshylaryna kómektesýge kelisip otyr.
«Keshkilik dalaǵa shyǵyp, aýla ishinde otyramyz. Polıtsııa kelip, tanyssa, jaǵdaıymyzdy bilse, qarsy emespiz. Sýreti ilinedi, bir kúnnen soń ony jyrtyp ketedi. Sóıtip qajet kezde taba almaı qalamyz»,- dedi qala turǵyny Altyn Qaleshova.
