Aqtóbelik polıtseıler ózderin «ury» degenderge jaýap berdi
AQTÓBE. QazAqparat - Aqtóbe oblysy, Qarǵaly aýdanynyń turǵyny túski mezgilde polıtsııa qyzmetkerleriniń qurylys materıaldaryn kólikke tıep jatqan sátin beınekameraǵa túsirip, jelide jarııalady. Oblystyq ІІD baspasóz qyzmeti bul oqıǵaǵa baılanysty túsinikteme berdi, dep habarlaıdy QazAqparat tilshisi.
Áleýmettik jelide Qarǵaly aýdanynyń ortalyǵy Badamsha aýylynda 5 qabatty úıdiń qurylysy júrip jatqany, ondaǵy qurylys materıalyn polıtsııa qyzmetkerleri kóligine tıegenin jarııalady. Jazba ıesi qurylysqa jaýapty adamdar janynda júrgenin, al ýchaskelik polıtsııa qyzmetkerleri túski mezgilde tonap jatqany týraly aıtqan bolatyn.
Poselok Batamsha stroıka 5 etajnogo doma po programme dostýpnoe jıle ot akımata #zello_aktobe
Bul beınematerıalǵa oblystyq ІІD baspasóz qyzmeti jaýap berdi. Polıtsııa qyzmetkerleri quralys materıalyn kelisimmen, oqý-jattyǵý sharalary úshin alynǵandyǵyn málimdedi.«Jylýdy saqtaıtyn qurylys materıaly qurylys kompanııasynyń kelisimimen ýaqytsha oqý-jattyǵýǵa paıdalanyldy. Oqý-jattyǵý sharalary Muǵaljar aýdany, Qandyaǵash qalasynda ótti. Jylý saqtaıtyn qurylys materıaly palatka ishindegi edenge tóseldi. Atalǵan shara bitken soń bári keri qaıtaryldy»,- dedi oblystyq ІІD baspasóz qyzmeti.
Aıta keteıik, Qarǵaly aýdany men Muǵaljar aýdarynyń ara qashyqtyǵy shamamen 200 shaqyrymdy quraıdy. Eki ortada Alǵa aýdany men Aqtóbe qalasy bar.
Foto: skrın ız vıdeo
