Aqtóbelik polıtseıler mereke kúni kóshede gúl satqandardy jazalamaýǵa ýáde berdi
AQTÓBE. QazAqparat -Halyqaralyq áıelder kúni kóshede gúl satyp turǵan adamdar jazalanbaýy múmkin. Aqtóbelik polıtsııa qyzmetkerleri mereke kúni názik jandylardy quttyqtaýǵa asyqqan er azamattarǵa túsinistikpen qaraýǵa ýáde berdi, dep habarlaıdy QazAqparat tilshisi.
Aqtóbe óńirlik kommýnıkatsııalar ortalyǵynda baspasóz máslıhatyn ótkizgen polıtsııa qyzmetkerleri oblys boıynsha qylmys sany 19 paıyzǵa azaıǵanyn jetkizdi. Oblys boıynsha qoǵamdyq oryndar qatań baqylaýǵa alynǵan. Adamdar kóp shoǵyrlanatyn oryndarda 235 beınebaqylaý kamerasy tur. Ótken jyly kamera arqyly 97 qylmys tez arada ashyldy. Barlyǵy 19 myńnan astam quqyqbuzýshylyq kameraǵa tirkelip qalǵan. Degenmen polıtsııa qyzmetkerleri Halyqaralyq áıelder kúni kóshede gúl satyp júrgen adamdardy qatań jazalamaýǵa ýáde berdi.
«Ákimshilik quqyqbuzýshylyq kodeksine sáıkes jabaıy saýdaǵa tyıym salynyp, aıyppul salý qarastyrylǵan. Biraq Halyqaralyq áıelder kúni jigitterdiń názik jandy arýlardy quttyqtaýy úshin bar jaǵdaıdy jasaımyz»,- dedi Aqtóbe oblystyq ІІD bastyǵynyń orynbasary Ernat Qalıaqparov.
