Aqtóbelik polıtseıler qyzmette qaza bolǵan áriptesteriniń balalaryn quttyqtady
AQTÓBE. QazAqparat - Aqtóbelik polıtseıler patronat otbasy men qyzmettik mindetin atqarý kezinde qaza tapqan áriptesteriniń otbasyna bardy, dep habarlaıdy QazAqparat tilshisi.
Polıtsııa departamentiniń qyzmetkerleri men qyzmettik boryshyn atqarý kezinde qaza tapqan polıtsııa qyzmetkerleriniń otbasylaryn qoldaý qory Aıaz ata men Aqshaqardy ertip, balalarǵa mereke syılady. Táýelsizdik jyldary qaza tapqan polıtsııa qyzmetkerleriniń otbasyna baryp, lebizderin bildirdi. Aqtóbe oblysy PD Kadr bólim bastyǵy Baýyrjan Maksımov polıtsııa qyzmetkerleriniń kásibı qasıetterin aıtyp, olardy eske aldy. Erligi úshin alǵys bildire otyryp, balalaryna ákeleriniń osyndaı batyl áreketteri úshin maqtanýyna jáne olardyń jarqyn beınesine saı oqýda jáne ómirde jetistikke jetýlerin mindettedi.
Táýelsizdik jyldary Aqtóbe oblysynda 9 qyzmetker qyzmettik boryshyn atqarý kezinde qaza tapty.
«Amangúl Eshpanova men Ómirhan Jetesov ózderiniń týǵan úsh balasyn jáne patronattyq tárbıedegi 19 balany qolyna alǵan. Sondaı-aq, »Shashý« halyqtyq otbasylyq ansambline basshylyq jasap, balalarmen birge gastrolge shyǵady eken. Aıaz ata men Aqshaqar búldirshinderge táttiler syılap, balalarǵa densaýlyq tiledi.
Aıtpa ketken jón, Polıtsııa departamenti turaqty túrde qaıyrymdylyq sharalaryn ótkizip, kóp balaly otbasylarǵa únemi qoldaý kórsetedi. «Biz ári qaraı da balalarǵa kómektesýge nıettimiz», - dep atap ótti kadr bóliminiń bastyǵy Baýyrjan Maksımov.
Merekemen quttyqtap kelgen tártip saqshylaryna arnap balalar ulttyq aspaptarda oınap, óz ónerlerin kórsetip, alǵystaryn bildirdi. Balalar polıtsııa qyzmetkerlerine kóńil bólgeni úshin alǵys aıtty.
