Aqtóbelik polıtseıler kólikti aıdap áketpek bolǵan qylmystyq topty ustady

AQTÓBE. QazAqparat - Aqtóbe oblysy PD-niń qyzmetkerleri jedel-izdestirý is-sharalaryn júrgizý barysynda 312 Atqyshtar dıvızııasy kóshesinde reseılik eseptegi «VAZ-21115» markaly avtokóligin aıdap áketý áreketi kezinde úsh adamnan turatyn qylmystyq topty ustady, dep habarlaıdy QazAqparat Polisia.kz-ke silteme jasap.

Kúdiktiler avtokólikterdiń esikterin ashyp, symdardy tuıyqtap, kólikti aıdap ketken. Polıtseıler atalǵan kólikti izge túsý arqyly toqtatqan. Sonymen qatar, kúdiktilerdiń Aqtóbe qalasynyń aýmaǵynda oryn alǵan birqatar páter urlyǵyna da tikeleı qatysy bar ekendigi anyqtaldy. Qazirgi tańda, aıdap áketý faktisi boıynsha QR QK-niń 200-baby «Avtomobıldi nemese ózge de kólik quraldaryn urlaý maqsatynsyz zańsyz ıelený» negizinde sotqa deıingi tergeý júrgizilýde jáne bultartpaý sharasyn tańdaý týraly másele sheshilýde. Ustalǵandardyń osyǵan sáıkes qylmystarǵa qatystylyǵy tekserilýde.