Aqtóbelik polıtseıler qar qursaýynda qalǵan 8 sheteldik avtobýs jolaýshysyna kómektesti
AQTÓBE. QazAqparat – Bir mezette jolda 8 jolaýshylar avtobýsy turyp qaldy. Polıtsııa 400-ge jýyq jolaýshyǵa kómek kórsetti, dep habarlaıdy QazAqparat tilshisi.
Respýblıkalyq jáne oblystyq mańyzy bar tasjoldarda júk, jolaýshylar kólikteri úshin 27 qańtar kúni qozǵalys shektelgen bolatyn. Patrýldik polıtsııa rotasynyń 40 qyzmetkeri men 20 kólik joldaǵy tártipti baqylady. Sonymen qatar qaýipti jol ýchaskelerinde aýdandyq bólimshelerdiń 71 qyzmetkeri jumyldyryldy.
«Polıtsııa qyzmetkerleri men qutqarýshylar kúsheıtilgen rejımde qyzmet atqaryp, qar qursaýynda qalǵan júrgizýshilerge kómek kórsetti. Aýa raıynyń qolaısyzdyǵyna baılanysty Samara-Shymkent tasjolynda 8 avtobýs turyp qaldy. Onda 368 shetel azamaty boldy. 12-i áıel jáne 7 bala. Barlyq avtobýsty polıtsııa baqylaýǵa alyp, jylytý beketterine jetkizdi», - dep habarlady oblystyq PD baspasóz qyzmetiniń jetekshisi Erbolat Sarqulov.
Aıta keteıik, RF Orynbor qalasynan Aqtóbege kele jatqan «SETRA» markaly avtobýs jolaýshylary Mártók aýylyndaǵy mektepke ornalastyryldy. Onda 41 jolaýshy boldy.
