Aqtóbelik polıtseıler ıesiz qalǵan eki sómkeden jarylǵysh zat izdedi
AQTÓBE. QazAqparat - Aqtóbede polıtsııa qyzmetkerleri ıesiz qalǵan eki sómkeden jarylǵysh zat izdedi. Eki oqıǵa da «Sapar» avtovokzaly men sol mańdaǵy avtoturaqta boldy, dep habarlaıdy QazAqparat tilshisi.
Keshe saǵat 12:00-de polıtsııanyń 102 nómirine «Sapar» avtovokzalynyń kútý zalynda ıesiz sómke jatqany týraly habarlama tústi. Oqıǵa ornyna barlyq shuǵyl qyzmet toby bardy. Saperlar ǵımarat ishin qarap shyǵyp, jarylǵysh zat tappady. Al sómke 29 jastaǵy jigitke tıesili bolyp shyqty.
«Saǵat 14:30-da taǵy da habarlama tústi. Bul joly «Sapar» avtovokzaly mańyndaǵy avtoturaqta ıesiz sporttyq sómke jatqany týraly aıtyldy. Oqıǵa ornyna polıtsııa qyzmetkerleri bardy. Sómkeni bireý umyt qaldyrǵan. Іshinen tek jeke zattary tabyldy», - dep habarlady oblystyq PD baspasóz jetekshisi Erbolat Sarqulov.
