Aqtóbelik polıtseıler balalardy jańa oqý jylyna daıyndady
Polıtsııa qyzmetkerleri «Mektepke jol» respýblıkalyq aktsııasynan tys qalmady. Olar az qamtylǵan jáne kópbalaly otbasy balalary, jetimder men ata-anasynyń qamqorlyǵynsyz qalǵan balalardy jańa oqý jylyna daıyndady.
«Aqtóbe oblysy ІІD jeke quramy bul qaıyrymdylyq aktsııasyna jyl saıyn qatysyp keledi. Ótken jyly departament qyzmetkerleri 1 kúndik eńbekaqysyn Alǵa oblystyq balalar úıine, Jaısań arnaıy bilim berý uıymyna jáne kámeletke tolmaǵandardy beıimdeý ortalyǵyna aýdarǵan bolatyn. Bıyl dástúrli shara jalǵasyp, áleýmettik kómek kórsetý maqsatynda 5,5 mıllıon teńge qarjy jınaldy. Sonymen qatar, ІІD aýdandyq bólimderiniń jeke quramy az qamtylǵan, kópbalaly otbasy balalary men ata-analarynyń qamqorlyǵynsyz qalǵan jandarǵa 735 myń teńge bóldi. Qarjyǵa mektepke qajetti qural-jabdyqtar satyp alyndy»,- dep habarlady oblystyq ІІD baspasóz qyzmeti.