Aqtóbelik polıtseıler Analar úıindegi jas analardy quttyqtady
AQTÓBE. QazAqparat - Aqtóbelik polıtseıler Analar úıindegi jas analardy Halyqaralyq áıelder kúnimen quttyqtap, syılyqtar tartý etti, dep habarlaıdy QazAqparat tilshisi.
Aqtóbedegi Analar úıinde 13 jas ana bar. Olar barar jeri joq bolǵan soń kásipkerlerdiń kómegimen ashylǵan bir shańyraqta turyp jatyr. Halyqaralyq áıelder kúnine oraı búgin analardy Aqtóbe oblystyq Іshki ister departamentiniń ujymy quttyqtady.
«Tártip saqshylary jas analar men olardyń sábılerine syı jasady. Analar úıiniń suranysy boıynsha mýzykalyq jabdyq tartý etildi. Munda jas analar men júkti qyzdar bar. Bul áleýmettik joba ana men balanyń ajyramaýyna múmkindik berdi. Analarǵa ómirdiń mánin uǵynyp, durys jol tańdaı bilýge qómektesti. Analar úıine baryp, osyndaı sharalar uıymdastyrý arqyly biz qandaı qıyndyq bolsa da adamdarǵa qol ushyn berip, meıirimdilik tanytýdyń mańyzdy ekenin túsinip, túsindiremiz», - dedi oblystyq ІІD baspasóz bólimi jetekshisiniń mindetin atqarýshy Nurgúl Qonaqbaeva.
Analar úıin panalaǵan jas analar Halyqaralyq áıelder kúnine daıyndalǵan. Olar óleń-jyr oqyp, quttyqtap kelgen tártip saqshylaryna dastarhan jaıdy.
