Aqtóbelik polıtseıler 25 jyldyqqa arnap beınebaıan túsirdi

AQTÓBE. QazAqparat - Aqtóbelik polıtseıler Qazaqstan polıtsııasynyń 25 jyldyǵyna arnap beınebaıan túsirdi, dep habarlaıdy QazAqparat tilshisi.

Aqtóbe oblystyq ishki ister departamentiniń 25 jastaǵy qyzmetkerleri áriptesterine arnaıy syı jasady. Olar bala kúngi armanyna qol jetkizip, 25 jylda úlken belesti baǵyndyrdy.

«Beınerolıktiń sıýjeti boıynsha jol apatyna túsken balany saqshy qutqarady. Qol ushyn berip, kómektesken polıtsııa qyzmetkeri sol kezde balaǵa oı salyp, qııalyn ushtaıdy. Bala polıtsııa qyzmetkeri atanyp, ózi adamdarǵa kómek berýdi oılaıdy. Bul beınebaıanda balalyq shaq, oqý, tájirıbe jınaýy, polıtsııa qataryna jumysqa alynýy kórsetilgen»,- dedi oblystyq ІІD baspasóz jetekshisi Nurgúl Qonaqbaeva.

Aıta keteıik, beınebaıanǵa arnalǵan ánniń sózin aqyn Sátjan Dáribaı, áýenin aqtóbelik kompozıtor Oral-Qosaı Báıseńgir jazǵan. «Jasa, saqshy, sarbazdar» áni kezinde aqtóbelik kólik júrgizýshileri «25» sanyn qurap, tártip saqshylaryn kásibı merekesimen quttyqtady.