Aqtóbelik polıtseıler 2 myńnan astam eńbek mıgrantyna kómektesti
AQTÓBE. QazAqparat – Aqtóbe polıtsııasy qaýipsizdikti qamtamasyz etý úshin Reseıden Qyrǵyzstanǵa baǵyt alǵan eńbek mıgranttaryna kómektesti, dep habarlaıdy QazAqparat tilshisi.
Reseıden Qyrǵyzstanǵa baǵyt alǵan 2 myńnan astam eńbek mıgrantyn aqtóbelik polıtseıler Qyzylorda oblysynyń shekarasyna deıin shyǵaryp saldy.
«4 tamyzdan bastap aqtóbelik polıtseıler Reseıden Qyrǵyzstan eline bara jatqan azamattardyń avtobýstaryna ilesip júrdi. Búgin de 23 avtobýsty shyǵaryp saldy. Barlyǵy 43 avtobýsta 2449 Qyrǵyzstan azamaty bar. Koronavırýs ınfektsııasynyń aldyn alý maqsatynda, sondaı-aq jol qaýipsizdigin qamtamasyz etý úshin barlyq qajetti sharalar qabyldandy», - dep habarlady oblystyq PD baspasóz qyzmetiniń jetekshisi Erbolat Sarqulov.
