Aqtóbelik polıtseıler 13 derektiń izin sýytpaı ashty
AQTÓBE. QazAqparat - Aqtóbede «Kólik urlyǵy» jedel-aldyn alý sharasy ótti. Polıtsııa qyzmekterleri 13 derektiń izin sýytpaı ashty, dep habarlaıdy QazAqparat tilshisi.
Aqtóbedegi ІІD 1-6 tamyz aralyǵynda «Kólik urlyǵy» sharasyn ótkizip, kólik ishin tonaǵandar men urlanǵan qosalqy bólshekterdi, beıne tirkeý quraly men avtomagnıtoldy alyp, satýmen aınalysqandardy ustady.
«Polıtsııa kólik urlyǵynyń 13 deregin anyqtady. Barlyǵy 7 derektiń izi sýymaı ashylsa, altaýy buryn jasalǵany qylmys boldy. Shara kezinde 25 jastaǵy ury ustaldy. Ol úsh epızodqa baılanysty kúdikti dep tanyldy. Kóbine urylar kólik ishindegi qundy zattardy alyp ketedi. Sonymen qatar, júk kólikteriniń akkýmýlıatoryn, avtomognıtolasyn alady. Negizi bıyl jáne ótken jyly avtokólik aınasyn urlaý deregi múlde tirkelmedi»,- dep habarlady oblystyq ІІD-niń baspasóz qyzmeti.
Polıtsııa qyzmetkerleri kólik ishindegi qundy zattardyń joǵalýyna adamdardyń ózin kinálap otyr. Sebebi, ıeleri kólikti arnaıy turaqqa emes, kópqabatty úılerdiń aýlasyna qoıady. Ári kóliktiń kóbine dabyl júıesi qondyrylmaǵan.
«Qosalqy bólshekter satatyn dúkender men bazarlarda oblystyq ІІD-niń Jergilikti polıtsııa qyzmeti, qylmystyq polıtsııa basqarmasynyń qyzmetkerleri dáris oqyp, arnaıy eskertý habarlamasyn taratty. Arnaıy esepte turǵan adamdar da tekserildi»,- dedi baspasóz qyzmeti.
