Aqtóbelik polıtseı jazyqsyz adamǵa jala japqan
AQTÓBE. QazAqparat - Aqtóbedegi Elek polıtsııa bóliminiń jedel ýákili Suńqar Álpeısov buryn isti bolǵan adamǵa qaıta qylmystyq is artyp, óz kórsetkishin kótermek bolǵan, dep habarlaıdy QazAqparat tilshisi.
2015 jyldan bastap Aqtóbe qalalyq ІІB, Elek polıtsııa bóliminde jedel ýákil bolyp jumys istegen jedel ýákil Suńqar Álpeısov óz kórsetkishin arttyrýdy josparlaıdy. Іs materıalyna súıensek, 2017 jyldyń jazynda sottalýshy S.Álpeısov qala turǵyny G.Shýlembaev arqyly jazasyn birge ótegen A.Pecherıtsamen kezdesedi. Kezdesý kezinde uıaly telefon urlyǵy, buzaqylyq derekterin moınyna alýdy suraıdy. Sottalýshy S.Álpeısov barlyǵyn sot aldy tergeý kezinde aıaqtaýǵa ýáde berdi. Buryn sottalǵan V.Pecherıtsa quqyq qorǵaýshyǵa táýeldi bolyp, qala turǵyny V.Gamovoıdyń 15 myń teńge turatyn velosıpedin, Aımbetovanyń uıaly telefonyn, Sh.Qarasaevtyń akkýmýlıatoryn, E.Jumaǵalıevke qatysty buzaqylyq faktisin moıyndap, sot aldy tergeý kezinde is toqtatylady. Qala turǵyny M.Saǵıeva, G.Baıǵabylovanyń telefon urlyǵyn da moıyndatyp, isti sotqa jibermeı qysqartady.
«Suńqar Álpeısov Qylmystyq kodekstiń «Laýazymdyq ókilettilikterdi teris paıdalaný» baby boıynsha kináli dep tanyp, 1 jyl 6 aıǵa bas bostandyǵynan shekteý jazasyn taǵaıyndalsyn. Ómir boıy memlekettik organdy qyzmet etý quqyǵynan aıyrylsyn. Jergilikti atqarýshy organnyń belgileýimen 200 saǵat jumysqa tartylsyn»,- dedi Aqtóbe qalalyq sotynyń sýdıasy Temirjan Aldanov.
Sonymen qatar, sottalýshy S.Álpeısov aǵa leıtenant sheninen aıyryldy.
