Aqtóbelik pedagogtar testileý kezinde «shpargalka» qoldandy

AQTÓBE. QazAqparat - Bilim berý uıymdarynda jumys isteıtin pedagogtar attestatatsııa tapsyrdy. Testileýdi «Aqtóbe - adaldyq alańy» jobalyq keńsesi baqylady, dep habarlaıdy QazAqparat tilshisi.

«Aqtóbe - adaldyq alańy» jobalaý keńsesiniń ókilderi mektepke deıingi tárbıe men oqytýdy, bastaýysh, negizgi orta jáne jalpy orta bilim berýdiń jalpy bilim beretin oqý baǵdarlamalaryn, tehnıkalyq jáne kásiptik, orta bilimnen keıingi, qosymsha bilim berý baǵdarlamalaryn jáne arnaıy oqý baǵdarlamalaryn iske asyratyn bilim oshaqtarynda jumys isteıtin pedagogtardy jáne bilim jáne ǵylym salasyndaǵy basqa da azamattyq qyzmetshilerdi attestattaý protsesine monıtorıng júrgizdi.

Monıtorıng kezinde birqatar kemshilik anyqtaldy. Pedagogtar sanynyń kóptigin eskere otyryp, ǵımaratqa kirer aldynda dezınfektsııalyq týnnel ornatylmaǵan, osylaısha qolaısyz sanıtarlyq jaǵdaı týyndady.

«Testileý aýdıtorııalarynda antıseptıkalyq quraldar qondyrylmaǵan. Sonymen birge medıtsınalyq pýnkt jáne medıtsınalyq qyzmetker joq. Uıaly baılanys óshirgishi jumys istemedi. Pedagogtardyń kópshiligi maskasyz otyrdy. Sarapshylar úsh zańsyzdyqty anyqtady. Bireýi test kezinde uıaly telefon qoldanbaq boldy. Al eki pedagog «shpargalka» paıdalandy. Úsheýi de testileý ortalyǵynan shyǵaryldy», - dep habarlady jobalyq keńseniń baspasóz qyzmeti.

Barlyq kemshilik QR testileý ortalyǵyna jiberildi.