Aqtóbelik palýan belbeý kúresinen bes dúrkin el chempıony atandy
AQTÓBE. QazAqparat - Aqtóbede belbeý kúresinen el birinshiligi ótip jatyr. 62 keli salmaq dárejesinde Ádilet Shalǵynbekuly altyn medal jeńip aldy, dep habarlaıdy QazAqparat tilshisi.
Aqtóbedegi «Jastar arena» sport zalynda eresekter arasynda belbeý kúresinen QR chempıonaty ótip jatyr.
Táýelsizdiktiń 30 jyldyǵy men Qajymuqan Muńaıtpasulynyń 150 jyldyǵyna oraılastyrylǵan jarysqa 14 oblys pen Nur-Sultan, Almaty, Shymkent qalalarynan 300-ge jýyq sportshy qatysýǵa ótinish bildirgen.
(18 jas jáne odan joǵary) 8 salmaq, qyzdar (17 jas jáne odan joǵary) 5 salmaq dárejesinde erkin, klassıkalyq stılde kúresedi.
Ár salmaq boıynsha ár quramadan 2 palýannyń qatysýyna ruqsat berilgen. 62 keli salmaqta aqtóbelik Ádilet Shalǵynbekuly bes dúrkin chempıon atandy.
«Jarys óte tartysty ótti. Besinshi ret el birinshiliginde jeńiske jetip otyrmyn. Kúreste on bes jyldyq tájirıbem bar. Bapkerlerime alǵysymdy aıtamyn. Fınalda óz jerlesim Berdi Serǵalıevti 2:0 esebimen utyp, jeńis tuǵyrynan kórindim», - dedi Ádilet Shalǵynbekuly.
Jeńiske jetken palýandar Qazaqstan ulttyq quramansyna irikteledi. Olar qazan aıynda Tatarystanda ótetin Álem birinshiligine jáne TMD oıyndaryna qatysady.
Al Tashkentte ótedi dep josparlanǵan Azııa chempıonaty epıdjaǵdaıǵa baılanysty belgisiz ýaqytqa shegerildi.
Uıymdastyrý alqasynyń erejesine saı qatysýshylar, jattyqtyrýshylar men tóreshilerden PTR anyqtamasy suraldy.
Jarys kórermensiz ótip jatyr.
