Aqtóbelik órt sóndirýshiler úsh balany aman alyp qaldy
AQTÓBE. QazAqparat -Aqtóbelik órt sóndirýshiler 6-shy qabattaǵy páterden úsh balany aman alyp shyqty. Balalar bir-birin qushaqtap, páterde tyǵylyp otyrǵan, dep habarlaıdy QazAqparat tilshisi.
Órt sóndirý jáne avarııalyq-qutqarý jumystary-qyzmetine 10 qabatty úıdiń 6 qabatynda ornalasqan páterden órt shyqqany týraly habar tústi. Balkondaǵy tútindi kórgen órt sóndirýshiler turǵyn úıdiń adamdarynan páterde kimniń bar ekenin surastyrdy. Sol mezette páterde úsh bala qalǵan.
«Bólim aǵa ınjeneriniń mindetin atqarýshy aǵa serjant Janbolat Sultanov janyndaǵy eki áriptesine balalardy izdestirý, qutqarý úshin tapsyrma berdi. Bir mezette balkon arqyly kirýge avtosaty surady. Aǵa órt sóndirýshi Abdolla Ádilov pen bólim komandıri Dáýken Saparov 6-qabatqa júgirip shyǵyp, qulyptaýly esikti tez arada ashyp, tútinge oranǵan páterge kirdi. Balalar kireberis esik mańyndaǵy qýys bólmege tyǵylǵan. Qorqyp qalǵan balalar úlkenderdi kórgen boıda olardyń qoldarynan ustady. Qutqarýshylar balalardy tómengi qabatqa túsirdi»,- dep habarlady TJD baspasóz qyzmeti.
Órt balkonnan shyqqan. Ondaǵy kıim-keshek pen jamylǵy janǵan.
«Órt sóndirý bólimderiniń jeke quramynan 34 adam men 8 birlik tehnıka, Apattar medıtsınasy ortalyǵy, órt-synaq zerthanasy, polıtsııa, elektr baılanys, gaz qyzmetteri oqıǵa ornyna bardy. Nátıjesinde 25 adam, onyń ishinde 3 bala qutqarylyp, 13 adam qaýipsiz jerge kóshirildi. Tútindi birinshi bolyp 8 jasar Ańsar kórgen. Ol vannadaǵy qaryndasyn aıqaılap shaqyryp, kishkentaı Aızereni qolyna alyp, páterdegi qaýipsiz oryndy panalady»,- dedi TJD baspasóz qyzmeti.
