Aqtóbelik ómir boıy kólik júrgizý quqyǵynan aıyryldy
AQTÓBE. QazAqparat – Júrgizýshi kýáliginen aıyrylǵan aqtóbelik mas kúıinde qaıta rýlge otyrǵany úshin ómir boıy kólik júrgizý quqyǵynan aıyryldy, dep habarlaıdy QazAqparat tilshisi.
Aıta keteıik, 14 qańtar kúni saǵat 00:10-da patrýldik polıtsııa qyzmeti 101 atqyshtar brıgadasy aýdanynda Toıota-Kamrı kóligin toqtatqan. Kólik ıesi júrgizýshisi kýáliginen aıyrylǵanyna qaramastan qaıtadan mas kúıinde rýlge otyrǵan.
«№2 Aqtóbe qalalyq soty ony Qylmystyq kodekstiń 346-baby 1-bóligi boıynsha aıypty dep tanyp, 2 jylǵa bas bostandyǵynan shekteý jazasyn taǵaıyndady. Oǵan 40 myń teńge aıyppul salyndy jáne ómir boıy kólik júrgizý quqyǵynan aıyryldy», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, bıyl mas kúıinde kólik júrgizgen 9 aqtóbelik kólik júrgizý quqyǵynan aıyryldy.
