Aqtóbelik ólketanýshy vıtse-premerden Kókjıde sý qoryn qorǵaýdy surady
AQTÓBE. QazAqparat – Aqtóbelik ólketanýshy Bekarystan Myrzabaı Premer-Mınıstrdiń orynbasary Berdibek Saparbaevtan eń sapaly sý qoryn saqtap qalýdy surady, dep habarlaıdy QazAqparat tilshisi.
Kókjıde jerasty sý qory ornalasqan aýmaqta búginde bes munaı kompanııasy jumys istep tur. Jyl saıyn ekologtar tekserý júrgizip, lastaný deregin tirkep keledi. Buǵan deıin habarlaǵanymyzdaı, munaı shyǵyp jatqan jerdegi tuşy sýdyń naqty qoryn anyqtaýǵa 1,1 mlrd teńge qarjy kerek.
«Birinshiden, Kókjıde sý qorynyń sapasy jaqsy. Ekinshiden, sý qory mol. Tek Aqtóbe oblysy emes, kórshi Atyraý, Mańǵystaý oblystaryna paıdalaný jobasy bar», - dedi Premer-Mınıstrdiń orynbasary Berdibek Saparbaev.
Sondaı-aq ekologtar vıtse-premerden qoǵamda pikirtalas týdyrǵan - Aqtóbedegi 7 ózenniń arnalaryn keńeıtý jáne tazartý jumystaryna qatysty suraǵan bolatyn.
Eske salsaq, Aqtóbe oblysyna QR Premer-Mınıstriniń orynbasary Berdibek Saparbaev bastaǵan úkimettik jumys toby keldi. Onyń quramynda Eńbek jáne halyqty áleýmettik qorǵaý mınıstri Birjan Nurymbetov pen Bilim jáne ǵylym mınıstri Ashat Aımaǵambetov bar.
