Aqtóbelik oqýshylar aralas formatta bilim alady
Aqtóbe oblysy búgin «qyzyl» aımaqqa ótti.
Keshe oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva karantın sharasyn kúsheıtip, kez kelgen ujymdyq basqosýǵa, konferentsııalar men forýmǵa tyıym saldy.
Al búgin IV-toqsandaǵy oqý úrdisi túsindirildi.
«Kontıngenti 300 oqýshydan aspaıtyn qala, aýyl mektepterinde sabaq dástúrli formatta ótedi. Tek bir synyptaǵy oqýshy sany 25-ten aspaýy tıis. Aqtóbede mundaı 246 mektep bar. Onda 24 myńǵa jýyq bala bilim alady. Al oqýshy sany 300-den kóp mektepterde aralas format saqtalady. Munda 1-5 jáne 9, 11 synyp oqýshylary offlaın oqysy, ózgesi qashyqtan dáris alady. Mundaı 170 mektepte 135 myń oqýshy bar»,- dedi oblystyq bilim basqarmasynyń basshysy Joldas Batyrhan.
Al arnaıy bilim berý oryndary dástúrli formatta oqytýdy jalǵasady. Kolledjder men joǵary oqý oryndarynyń I-kýrs stýdentteri de offlaın oqıdy.
«Oqýshydan vırýs anyqtalsa, synyp karantınge jabylyp, dezınfektsııa jumysy júrgiziledi. Ata-ana kelispese, aryz jazyp, onlaın formatqa aýystyra alady. Eskere ketken jón, mektepterde barlyq sanıtarııalyq talap saqtalǵan», - dedi Joldas Batyrhan.