Aqtóbelik muǵalim sotta oqýshysyn urmaǵanyn dáleldep shyqty
AQTÓBE. QazAqparat - Aqtóbede №10 orta mekteptiń burynǵy muǵalimi Mádına Jumabaeva 3-synyp oqýshysy Dılnara Mýbarakovany urmaǵanyn sotta dáleldedi, dep habarlaıdy QazAqparat tilshisi.
Aqtóbe qalasyndaǵy №10 orta mektep oqýshysy Dılnara Mýbarakovanyń anasy Ásem Kýmpakova sotqa aryz túsirip, onyń qyzyn muǵalimi Mádına Jumabaevanyń uratynyn aıtqan bolatyn. Sot kezinde oqýshy qyzdyń múddesin ájesi Gúlmıra qorǵady.
Buǵan deıin habarlaǵanymyzdaı, is Qylmystyq kodekstiń «Densaýlyqqa qasaqana jeńil zııan keltirý» baby boıynsha qozǵaldy .
Keıin Aqtóbe qalasnydaǵy №10 orta mektep oqýshylarynyń ata-analary bastaýysh synyp jetekshisi Mádına Jumabaevaǵa «jaqsy ustaz» dep minezdeme berip, oılaryn ashyq jetkizdi.
Kezekti sot otyrysy kezinde muǵalim óziniń oqýshyǵa qol kótermegenin, Dılnaranyń minezi aýyr ekenin aıtty. Oqýshy «basqa balalarǵa emes, tek maǵan nazar aýdaryńyz» dep qıǵylyq salǵan .
«Mádına Jumabaeva Qylmystyq kodekstiń «Densaýlyqqa qasaqana jeńil zııan keltirý» baby boıynsha aıyptalǵan bolatyn. Jeke aıyptaýshynyń aryzy dáleldengen joq. M.Jumabaevanyń is-áreketinen qylmystyq sıpat anyqtalmady»,- dedi sýdıa N.Bısenı.
Sot úkimi kúshine engen joq. Oqýshynyń ata-anasy 15 kún ishinde appelıatsııalyq shaǵym túsire alady.
