Aqtóbelik memqyzmetshiler túrme ishindegi ómirmen tanysty
AQTÓBE. QazAqparat - Aqtóbede memlekettik qyzmetkerler KA-168/1 túzetý mekemesine bardy, dep habarlaıdy QazAqparat tilshisi.
«Aqtóbe - adaldyq alańy» jobalyq keńsesi jáne Qylmystyq-atqarý júıesi komıtetiniń oblystyq departamenti memlekettik qyzmetkerlerdi túrmege apardy.
Shara kezinde 30-ǵa jýyq memlekettik qyzmetker qamtyldy. «Bostandyǵyńdy baǵala!» atty shara KA-168/1 mekemesinde ótti.
«Qazirgi tańda 4 azamat sybaılas jemqorlyq faktisimen qamaýǵa alynyp, sotty kútip otyr. QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti basshysy Rasýl Medetovtyń aıtýynsha, shara memlekettik qyzmetshilerdiń sybaılas jemqorlyqqa qarsy ımmýnıtetin qalyptastyryp, jazasyn óteýshilerdiń ómirimen tanystyrýǵa, ony kórýge baǵyttaldy.
Aqtóbe oblystyq quqyqtyq statıstıka jáne arnaıy esepke alý jónindegi komıteti basqarmasynyń deregine súıensek, 2018 jyly sybaılas jemqorlyq deregi boıynsha 66 adam jaýapkershilikke tartyldy.
«Osyndaı sharalardyń nátıjesinde Aqtóbe oblysy sybaılas jemqorlyq deńgeıi eń tómen óńirlerdiń úshtigine kirdi dep esepteımiz», - dedi R. Medetov.
